ਤੁਸੀਂ ਜੱਸੀ ਗਿੱਲ, ਰਣਜੀਤ ਬਾਵਾ, ਕਰਮਜੀਤ ਅਨਮੋਲ, ਜਸਵਿੰਦਰ ਭੱਲਾ ਤੇ ਗੁਰਪ੍ਰੀਤ ਘੁੱਗੀ ਦੀਆਂ ਬਹੁਤ ਫ਼ਿਲਮਾਂ ਦੇਖੀਆਂ ਹੋਣੀਆਂ ਹਨ, ਪਰ ਹੁਣ ਇਹ ਸਾਰੇ ਜਣੇ ਇੱਕਠੇ ਹੋ ਕੇ ‘ਮਿਸਟਰ ਐਂਡ ਮਿਸਟਰ 420 ਅਗੇਨ’ ਵਿੱਚ ਧਮਾਲਾਂ ਪਾਉਣ ਜਾ ਰਹੇ ਹਨ। ਕਾਮੇਡੀ ਦੇ ਡਬਲਡੋਜ਼ ਵਾਲੀ ਇਸ ਫ਼ਿਲਮ ‘ਚ ਤੁਸੀਂ ਜੱਸੀ ਗਿੱਲ ਤੇ ਕਰਮਜੀਤ ਅਨਮੋਲ ਨੂੰ ਇਕ ਅਜਿਹੇ ਕਿਰਦਾਰ ‘ਚ ਦੇਖੋਗੇ, ਜਿਸ ‘ਚ ਤੁਸੀਂ ਦੋਵਾਂ ਨੂੰ ਅੱਜ ਤੱਕ ਪਹਿਲਾਂ ਕਿਸੇ ਫ਼ਿਲਮ ‘ਚ ਨਹੀਂ ਦੇਖਿਆ। ਸ਼ੇਰ ਮਾਰਨ ਵਾਲਾ ਰਣਜੀਤ ਬਾਵਾ ਇਸ ਫ਼ਿਲਮ ‘ਚ ਸ਼ੇਰ ਮਾਰਦਾ ਹੈ ਜਾਂ ਫਿਰ ਉਸ ਨੂੰ ਆਫ਼ੀਮ ਦੀ ਤੋੜ ਮਾਰਦੀ ਹੈ, ਇਹ ਦੇਖਣ ਤੁਹਾਡੇ ਲਈ ਬੇਹੱਦ ਦਿਲਚਸਪ ਰਹੇਗਾ। ਅਵਿੰਤਕਾ ਹੁੰਦਲ ਤੇ ਪਾਇਲ ਰਾਜਪੂਤ ਵਰਗੀਆਂ ਖੂਬਸੂਰਤ ਹੀਰੋਇਨਾਂ ਵਾਲੀ ਇਸ ਫ਼ਿਲਮ ‘ਚ ਤੁਸੀਂ ਕੁਝ ਹੋਰ ਵੀ ਖਾਸ ਦੇਖੋਗੇ, ਇਹ ਖਾਸ ਕੀ ਹੈ, ਇਸ ਦਾ ਪਤਾ ਤੁਹਾਨੂੰ ਫ਼ਿਲਮ ਦਾ ਟ੍ਰੇਲਰ ਦੇਖਕੇ ਲੱਗ ਜਾਵੇਗਾ। ਤੁਹਾਨੂੰ ਟ੍ਰੇਲਰ ਲਈ ਬੱਸ ਥੋੜਾ ਇਤਜਾਰ ਹੋਰ ਕਰਨਾ ਪਵੇਗਾ। ਨਰੇਸ਼ ਕਥੂਰੀਆ ਦੀ ਲਿਖੀ ਅਤੇ ਸਿਤਿਜ ਚੌਧਰੀ ਦੀ ਨਿਰਦੇਸ਼ਕ ਕੀਤੀ ਇਹ ਫ਼ਿਲਮ ਤੁਸੀਂ ਆਜ਼ਾਦੀ ਵਾਲੇ ਦਿਨ ਯਾਨੀ 15 ਅਗਸਤ ਨੂੰ ਦੇਖ ਸਕਦੇ ਹੋ। #Fivewood
